..Eminem’s Foto and his life..

أول حاجة بسم الله الرحمن الرحيم :-


مصغرة بنسبة : 90% من الحجم الأصلي [ 576 x 459 ] - إضغط هنا لعرض الحجم الأصلي


عارف Eminem ؟ متعرفوش ؟ مش مشكلة خليك معايا

في كتير بيسمعوا الراب الغريب بتاعه بس مش بيفهمه وخصوصا كلام زي Kim و Hailie و Dibbie وكده

المهم المهم..الموضوع هيبقى عبارة عن قصة حياته والألبومات اللي عملها

و ملاحظات صغننة كدة عن أحسن اغانيه ولو حد عايز يسمعه يسمع ايه



أولا

-------------------------



Eminem هوا عنوان الراب الأبيض..بيسموه بين الNiggers هناك The Best white Boy

أكيد طبعا زي كل ال Rappers كانت أسرته فقيرة ومفككة..وخليكو معايا الحتة دي جاية بعدين

أسمه الحقيقى Marshall Mathers ,

واسم Eminem ده جه لأنه كانو بينادوه M&M ا للي هيا بتوع Marshall و Mathers



اتولد في اكتوبر عـام 1972 فى مدينة Missouri , و تربى و نشأ فى مدينة Detroit ,

الفرق بين Eminem وباقى الـ Rappers هوا كلماته الغضبانة الساخطة دي..في حين ان كلهم بيتكلم عن ان عنده فلوس كتير والبنات حواليه زي الرز وهما منظرهم ميجبش شحاتين السيدة

وده بيرجع لطفولته المهببة عشان أمه كانت – حسب كلامه – بتستغله جنسيا وأبوه ميعرفوش ومراهقته الفاشلة

عشان كده مبيترددش انه يشتم أمه..أبوه..الرئيس الأمريكي نفسه في أغنية Mosh وحتى المغنيين التانيين

والغريبة ان الكلام ده بيعجب الناس وخصوصا الشباب والمراهقين

ميزة Eminem انه بيقدر يغير نبرة صوته..طفل..ست..عجوز ..كده منغير ما الـ Beat يسبقه أو يتأخر عنه

نشأته بأه:-
-------
أسرة Eminem ماستقرتش في مكان واحد أكتر من سنة..وعشان كده كان Eminem منغير اصحاب تقريبا

أمه كانت بتاخد أدوية قانونية للعلاج..بس هوا بيقول في لقاءاته التليفزيونية انها كانت مدمنة وانها كانت بتستغله جنسيا

أبوه ميعرفوش إلا بعد ماشتهر بعد ألبوم the Eminem show بس EMINEM رفضه تماما ومطاقوش واتبرى منه..عشان حسب أغنية cleanin out my closet قلع بنطلونه تحت تهديد السلاح



أمه بأه رفعت عليه كذا قضية وطالبت ب 5 مليون دولار عشان شتمها بس القاضي حكملها ب 25 ألف بس..ومن ساعتها وEMINEM بيشتمها برضه ( راجعو موضوع سولي)

خال EMINEM كان صاحبه جدا وكان اسمه Ronald Polkingharn وبيقولوله Ronnie ...وهوا على فكرة أول واحد قدمه للـ Rap

بس Ronnie انتحر في ديسمبر عام 1991 وحزن EMINEM أوي عليه.. وتوقف عن الغناء فترة كبيرة وذكره في أغاني كتير منها و Cleaning Out My Closet و Mockingbird و My Dad's Gone Crazy ,




وعنده وشم على دراعه مكتوب عليه Ronnie R.I.P



عيلته
------------
EMINEM زي ماقلنا كان فاشل في الدراسة عشان بيتنقل من مدرسة لمدرسة

لكن أهم مدرسة كانت Lincoln High School وفيها قابل صاحبه Proof وزوجته المستقبلية Kimberly Ann Scott واللي كان بيسميها Kim





وبعد ماتجوزها EMINEM وحملت منه دور على منتج عشان يقدم أول ألبوم ليه وهوا ألبوم Infinite سنة 1996

والألبوم احتوى على :-

Infinite



W.E.G.O
It's OK
313
Tonite
Maxine
Open Mic
Never 2 Far
Searchin
Backstabber
Jealousy Woes II

بس الألبوم فشل ومحققش نجاح..وأغنية It's okay كانت هيا الوحيدة اللي حققت شوية نجاح بس مش مفيد على الأطلاق

وطبعا الست Kim مراته طلبت الطلاق وخدت بنته اللي هيا Hailie Jade Scott

وHailie دي عايزة كلام كتير لوحدها



Hailie :-
------------
دي أهم حاجة في حياة غيمنم..وصرح كذا مرة إنه بيعيش عشانها ..ونقدر نشوف ده من خلال أغنيتين هما ا Mockingbird و Hailie's Song



وكمان غنت بنفسها في أغنية My Dad's gone crazy

وذكرها وجت صورت معاه أغنية when I'm gone اللي هيا أحسن حاجة غناها

فى الVideo Clip بتاع أغنية Mockingbird ظهرت تسجيلات حقيقية لعائلة EMINEM , و ظهرت فيه KIM و Hailie و قريبتها Alaina ( هى Lainy فى الأغنية )






هيا حاليا (2007) عندها 12 سنة..وlainy تعتبر اختها قانونيا عشان EMINEM اتبناها

وأشهر وشم على دراع EMINEM اليمين عليه صورة واضحة جدا لـ Hailie



نجاح EMINEM :-
-------------------



نرجع بأه للاحداث..

بعد ما KIM سابته EMINEM وخدت منه بنته..قرر انه ينتحر!!!!

ومنغير تردد اشترى علبة كاملة من الـ Tylenol وهوا أشهر مسكن للألم في امريكا وبلبعها كلها

بس ماماتش خالص..وبعد ما الناس أنقذوه فكر كويس

وقر ان الانتحار ضعف وانه المفروض يكمل وميستسلمش

وقرر انه يصنع نجاحه بايدة..وانه يرجع لـ KIM



شافه بأه مين؟ Dr.Dre.. مغني الراب الشهير والمنتج..



اقتنع بيه جدا وقرر انه يدخله في تسجيلات الـ Aftermath و Interscope

وبكده أنتج EMINEM ألبومه رقم اتنين وهوا:-

The Slim Shady LP



واحتوي على



والألبوم حقق نجاح رائع جدا..لأنه غريب..وأمركا بتدور على الغريب بكل شراسة

وهوا كان السبب الأول في شهرة EMINEM

وكان السبب في رجوعه ل KIM في 14 يونيو 1999

حقق الألبوم نجاح لم يتوقعه EMINEM نفسه ( و لكن Dr. Dre توقعه ) فقد حصل على الPlatinum أربع مرات و حققت أغنية My name Is نجاحاً منقطع النظير

وطبعا EMINEM كان عايز ينجح..وعلى طول كان ألبوم Marshall Mathers LP في السوق فى مايو عام 2000




حقق هذا الألبوم نجاحاً رائعاً فقد باع 2 مليون نسخة فور نزوله..وحقق تسجيل جديد في موسوعه جينيس كاسرع ألبوم في المبيعات حتى الآن

و حققت أغنية The Real Slim Shady نجاح ضخم , و صارت الأغنية الأكثر شعبية فى أمريكا

وطبعا أغنية Stan كانت أغنية جامدة وعاجباني أنا شخصيا

المشاكل القانونية :-
----------------
قلنا ان أمه Debbie كانت عايزة منه 10 مليون والقاضي ادالها خمسة وعشرين الف بس

وطبعا في أغنية without me قاللها في سخرية :-

I just settled all my lawsuits. Fuck you, Debbie



وطبعا مع وصول ايمنم للنجومية..ظهرت مشاكل كتير..

وشاف KIM وهيا بتقبل واحد تاني قدام مطعم اسمه Guerrera وذكره EMINEM في أغنية Sing For The Moment

وبعد كده بقى يضربها ويبهدلها ويسففها التراب لحد ماقررت تقطع شرايين ايديها وعبر EMINEM عن ذلك في أغنية when I'm gone من وجهة نظر Hailie

وبعد كده اتطلقوا..وبقت Hailie تنتقل ما بينهم وEMINEM يتكفل بمصاريفها

وبعد كده.., دخل EMINEM فى تصوير فيلم The Wash مع Dr. Dre و Snoop Dogg .



يأتى عام 2002 حاملاً معه أكبر و أنجح ألبومات EMINEM و هو ألبوم The EMINEM Show وناقش فيه معظم حياته ومشكلاته الشخصية

أحتوى الألبوم على :-
The EMINEM Show




باع الألبوم 7 مليون نسخة تقريباً , و حاز على جائزة Album of the Year من الGrammy ...كما حصل الألبوم على جائزة Best Rap Album

بعد الألبوم الناجح جدا..ييجي فيلم 8 Mile وحقق نجاح كويس برضه

سنة 2003 محصلش فيها حاجة مهمة أوي

2004 رجع EMINEM..ولو فاكرين كانت انتخابات الرياسة الأمريكية في أكتوبر..وهاجم EMINEM ترشيح بوش في أغنية مشهورة هيا Mosh هتلاقوها في المنتدى

ومترددش انه يشتمه ويسبه وينكل بيه..بس برضه بوش نجح وخد فترة رياسة تانية

وفي شهر نوفمبر..صدر البوم Encore واحتوى على:-




كان نجاحه قوي جدا بس مش زي The EMINEM show

سنة 2005 أصدر EMINEM أحسن ألبوماته بالنسبالي..وهوا Curtin call : The Hits

ويتميز الألبوم ده بأغنية when I'm gone

واللي تعتبر أعظم حاجة غناها..غناها لمين؟ ل Hailie طبعا

باع الالبوم أكثر من 7 مليون نسخة حول العالم , و حاز على جوائز عديدة من ال Grammy و الMTV
أحتوى الالبوم على :-

Curtain Call: The Hits




بعد الألبوم ده أعلن EMINEM انه هيبطل العمل الفردي وانه هينضم لفرقة D12 ودي حاجة أنا شخصيا محبيتهاش

في الفترة دي ظهرت شائعات كتير ان EMINEM هيبطل غناء خالص على الرغم من انه نفى دا أكتر من مرة إلا ان الشائعة انتشرت بطريقة غريبة جدا



فاللي عمله EMINEM انه أسرع لتسجيل آخر البوم ليه وهوا The Re-Up وهتلاقوه برضه في المنتدى في قسم الأغاني الأجنبية

الألبوم شارك فيه ناس جديدة ك Stat Quo, Ca$his, Bobby Creekwater



الألبوم مكانش زي الألبوم اللي فات..ولم يحز على إعجاب عشاق EMINEM

أحتوى الالبوم على :-
Eminem Presents The Re-Up



ملاحظات:-
________

_ باع Eminem أكثر من 65 مليون نسخة من البوماته حول العالم , و هو يعتبر حسب موسوعة Guinness World Records أسرع مغنى Rap بيعا لألبوماته

_ رد Eminem زوجته Kim مرة اخرى فى يناير 2006 , و أقام حفلة صغيرة حضرها اعز أصدقائه , ز كان من بينهم Proof الذى قتل فيما بعد ( في أغنية في الشريط الأخير اسمها Proof )

_ Eminem له أعداء كثيرون فى الوسط الفنى ك Ja Rule , Canibus , Mariah Carey , Fred Durst , DJ Lethal , Jermaine Dupri , Moby , و غيرهم ..... و لكنه مع ذلك له علاقات جيدة مع الكثير من المغنين كMarilyn Manson ويمكن أكتر اتنين اتخانق معاهم وبهدلهم هما Ray Benzino و JA Rule

_ فيديو My name Is هو أول فيديو Rap يصل للمركز الاول فى قناة الMTV

_ في وشم على دراع EMINEM عليه اسم Proof صاحبه واللي مات برصاصة في خناقة



-------------------------------------------------------


وبكده نبقى خلاص..ومع السلامة يا EMINEM